საგარანტიო ინფორმაცია:
გმადლობთ, რომ აირჩიეთ Techswap.ge. ჩვენ ვამაყობთ ჩვენი ელექტრონიკის ხარისხითა და სანდოობით.
ყველა ჩვენს პროდუქტს აქვს საგარანტიო ვადა, რომელიც დამოკიდებულია პროდუქტის კატეგორიაზე (დეტალური საგარანტიო ინფორმაცია შეგიძლიათ იხილოთ სასურველი პროდუქტის გვერდზე).
ჩვენ მომხარებლებს ვთავაზობთ სტანდარტულ 90-დღიან გარანტიას; თუმცა, მომხმარებლებმა უნდა გაითვალისწინონ, რომ ზოგიერთ პროდუქტს შეიძლება ჰქონდეს უფრო ხანგრძლივი ან მოკლე საგარანტიო ვადა. შეძენამდე მნიშვნელოვანია საგარანტიო პირობების გადამოწმება პროდუქტის გვერდზე!
საქართველოს კანონმდებლობის თანახმად, მომხმარებელს აქვს უფლება მოითხოვოს უფასო შეკეთება, ჩანაცვლება, ფასის შემცირება ან ხელშეკრულებიდან გასვლა საგარანტიო ვადის განმავლობაში, თუ პროდუქტი აღმოჩნდება დეფექტური.
თუ რაიმე პრობლემა შეგექმნებათ, გთხოვთ, დაუკავშირდეთ ჩვენს მომხმარებელთა მხარდაჭერის გუნდს ნომერზე 558 30 30 12 ან info@techswap.ge და მიაწოდოთ PDF ფორმატში შეძენის დამადასტურებელი დოკუმენტი.
-
საგარანტიო პირობები ახალი პროდუქტებისთვის:
7-დღიანი შეცვლის გარანტია:
- თუ შეძენილი პროდუქტი 7 დღის განმავლობაში გამოავლენს ტექნიკურ პრობლემას, ის შეიცვლება ახალი, იმავე მოდელის პროდუქტით.
შეცვლა მოხდება მხოლოდ იმ შემთხვევაში, თუ პრობლემა თავად პროდუქტმა გამოიწვია. თუ პრობლემა გამოწვეულია მომხმარებლის ქმედებით და შედის "გარანტია არ ვრცელდება" ჩამონათვალში, არც შეკეთება და არც შეცვლა არ განხორციელდება.
7 დღის შემდეგ:
- თუ ტექნიკური პრობლემა წარმოიშვა, პროდუქტის შეკეთება განხორციელდება უფასოდ.
- თუ პროდუქტის შეკეთება 40 სამუშაო დღის განმავლობაში შეუძლებელი იქნება, ის შეიცვლება ახლით.
- თუ ახალი პროდუქტი მარაგში არ იქნება, მომხმარებელს შესთავაზებენ:
- მსგავს მდგომარეობაში არსებულს პროდუქტს (მეორადი-ახალივით) და ნაწილობრივ თანხის ანაზღაურებას.
- ფუნქციალურად მსგავს მოდელს/პროდუქტს და ნაწილობრივ ანაზღაურებას, ან სრული თანხის ანაზღაურებას, სიტუაციის შესაბამისად.
-
საგარანტიო პირობები მეორადი პროდუქტებისთვის:
- მეორადი პროდუქტების მხოლოდ შეკეთება არის შესაძლებელია საგარანტიო ვადის ნებისმიერ პერიოდში.
- თუ შეკეთება შეუძლებელია, მომხმარებელს ვთავაზობთ:
- იგივე ან მსგავსი მახასიათებლების მქონე პროდუქტს;
- ან გადახდილი თანხის სრულ ანაზღაურებას.
-
გარანტიის პირობები Trade-In ტრანზაქციებისათვის:
თუ თქვენ შეიძინეთ გარანტიით დაცული პროდუქტი ჩვენი Trade-In სერვისის საშუალებით (გაგვიცვალეთ თქვენი პროდუქტი და მიიღეთ ჩვენი – თანხის დამატებით ან დამატების გარეშე), და პროდუქტის მუშაობასთან დაკავშირებით წარმოიშვა პრობლემა გარანტიის ვადაში, ტექსვაპი შეგთავაზებთ მომსახურებას შემდეგი წესებით:
- თუ მიიღეთ სრულიად ახალი პროდუქტი: იმოქმედებს სტანდარტული გარანტიის პოლიტიკა (7-დღიანი შეცვლა ან 7 დღის შემდეგ შეკეთება/შეცვლა).
- თუ მიიღეთ მეორადი პროდუქტი: იმოქმედებს სტანდარტული გარანტიის პოლიტიკა მეოარი პროდუქტებისთვის.
მნიშვნელოვანი ინფორმაცია Trade-In ტრანზაქციებზე:
- თქვენი გადაცემული პროდუქტის ღირებულება განისაზღვრება და გაცნობებთ ტრანზაქციის შესრულების დროს.
- ეს ღირებულება აისახება გარანტიის დოკუმენტშიც.
- დაბრუნების შემთხვევაში, დაგიბრუნდებათ ჯამური თანხა, რომელიც შედგება:
- თქვენი პროდუქტის ჩვენ მიერ შეფასებული ღირებულებისგან დამატებული თქვენ მიერ გადახდილი თანხა, ან გამოკლებული ჩვენ მიერ თქვენთვის გადმორიცხული თანხა (თუ ასეთი იყო Trade-In-ის დროს).
გთხოვთ გაითვალისწინოთ, რომ Trade-In ტრანზაქცია არის საბოლოო. მისი გაუქმება და თქვენი თავდაპირველი ნივთის დაბრუნება შეუძლებელი იქნება.
-
ზოგადი საგარანტიო პოლიტიკა:
საგარანტიო მომსახურება შეზღუდულია მხოლოდ პროდუქტის შეკეთებით, დამატებითი ხარჯების გარეშე. თუ პროდუქტის შეკეთება შეუძლებელია, იგი შეიცვლება იგივე ან მსგავსი მოდელით, რომელიც ფუნქციურად უტოლდება ან აღემატება მას. (შეცვლილი მოდელი შეიძლება იყოს აღდგენილი, მაგრამ სრულყოფილ სამუშაო მდგომარეობაში, და საგარანტიო ვადა გახანგრძლივდება.)
Techswap.ge ვალდებულია შეაკეთოს დეფექტური პროდუქტი მისი გადმოცემიდან 40 სამუშაო დღის განმავლობაში, საგარანტიო ფაილში მითითებული პირობების შესაბამისად. თუ შეკეთება ამ ვადაში შეუძლებელია, პროდუქტი შეიცვლება.
თუ შეკვეთა შედგება რამდენიმე მოწყობილობისგან (მაგალითად, კომპიუტერი და მისი აქსესუარები), შეიცვლება ან ანაზღურდება მხოლოდ დაზიანებული ნაწილი და არა მთლიანი შეკვეთა.
პროდუქტის ტრანსპორტირება ჩვენს მისამართამდე და უკან მომხმარებლის ხარჯზე ხდება.
-
გარანტია არ ვრცელდება შემდეგ შემთხვევებზე:
- საგარანტიო ვადის ამოწურვა.
- Techswap-ის ან ქარხნული საგარანტიო სერტიფიკატის (თუ არის) არარსებობა.
- არასწორი ინსტალაციის ან ოპერაციული სისტემის გადაყენების შედეგად მიყენებული დაზიანებები.
- ფიზიკური დაზიანებები, მათ შორის ნაკაწრები, ბზარები, გატეხვა, დეფორმაცია, დამწვრობა, ან დნობით გამოწვეული დეფექტები. ასევე, თხევადი სითხით დაზიანება, მიუხედავად იმისა, რომ პროდუქტი წყალგამძლეა.
- ქარხნული სერიული ნომრის შეცვლა, მოცილება ან დაზიანება, რაც შეუძლებელს ხდის პროდუქტის იდენტიფიკაციას.
- არასტანდარტული დენის ძაბვით (მაგალითად, სახლის ელექტროგაყვანილობის პრობლემები ან გადამრთველის დაზიანება) გამოწვეული ზიანი.
- მოწყობილობის შეკეთება არასანქცირებული სერვისების მიერ.
- არასათანადო ან გაუფრთხილებელი მოხმარების შედეგად მიყენებული დაზიანებები.
- მონიტორებზე, ლეპტოპებზე, კამერებზე ან ტელეფონის ეკრანებზე ერთზე მეტი მკვდარი პიქსელის არსებობა.
-
გარანტიის შემდგომი მომსახურება – „ერთგული“ სტატუსის პროდუქტებისთვის:
„ერთგული“ სტატუსის მქონე პროდუქტებისთვის ჩვენ გთავაზობთ გარანტიის ვადის გასვლის შემდეგ დამატებით 1-დან 3 წლამდე შეკეთების სერვისს მხოლოდ თვითღირებულებით.
- ეს ნიშნავს, რომ თქვენ გადაიხდით მხოლოდ სათადარიგო ნაწილების ღირებულებას, ხოლო სამუშაო და მომსახურება სრულიად უფასო იქნება.
„გარანტიის შემდეგომი ზრუნვა – ჩვენ ყოველთვის შენ გვერდით ვართ!“
შენიშვნა:
- ეს სერვისი არ ვრცელდება მომხმარებლის მიერ გამოწვეული ფიზიკური დაზიანებებისას (მაგალითად: დამტვრეული, წყალში ჩავარდნილი ან არასწორად გამოყენებული პროდუქტები).
- თუ პროდუქტი დაზიანდება გარანტიის პირობების მიღმა არსებული მიზეზებით, გარანტიისშემდგომი მომსახურება შეიძლება სრულად არ იყოს ხელმისაწვდომი.
- თუმცა, ჩვენ ყოველთვის ვეცდებით შემოგთავაზოთ შეკეთების საუკეთესო შეთავაზება სპეციალური ფასდაკლებით.
-
დაბრუნების პოლიტიკა:
მომხმარებელს (ფიზიკურ პირს) აქვს უფლება, 14 კალენდარული დღის განმავლობაში დააბრუნოს შეძენილი პროდუქტი, როგორც ონლაინ, ისე ფიზიკურად, განმარტების გარეშე.
შენიშვნა:
- ეს წესი არ ვრცელდება იურიდიულ პირებზე/ბიზნეს სუბიექტებზე; ბიზნეს მომხმარებლებს კანონით არ აქვთ 14-დღიანი დაბრუნების უფლება.
- დაბრუნების პერიოდი იწყება პროდუქტის გადაცემის მომენტიდან. ამ ვადის ამოწურვის შემდეგ, დაბრუნების უფლება უქმდება.
- დაბრუნების ხარჯები მომხმარებლის მიერ იფარება.
- გამოყენებული პროდუქტი დაბრუნებას არ ექვემდებარება, თუ კომპანია ვერ შეძლებს მისი პირვანდელი მდგომარეობის აღდგენას.
- პროდუქტის შეფუთვის გახსნისა და მისი გამოყენების შემდეგ, დაბრუნების პირობა ავტომატურად უქმდება.
- თუ პროდუქტის ან მისი კომპონენტების კონდიცია (გარდა სტანდარტული ამოღებისა) შეიცვალა, კომპანია იტოვებს უფლებას, ეჭვქვეშ დააყენოს მისი ავთენტურობა და შესაძლოა მხოლოდ პროდუქტის მდგომარეობის შესაბამისად აუნაზღაუროს მომხმარებელს თანხის ნაწილი.
დამატებითი კითხვების ან განმარტებებისათვის, დაგვიკავშირდით ნომერზე 558 30 30 12 ან მოგვწერეთ ელ. ფოსტაზე - info@techswap.ge.