FAQ

ტექსვაპი არის ონლაინ მარკეტფლეისი და შუამავალი პლატფორმა, რომელიც აკავშირებს ტექნიკისა და ელექტრონიკის მყიდველებს დამოუკიდებელ გამყიდველებთან. ტექვსაპი არ აწარმოებს და, თუ ცალსახად არ არის მითითებული, არ ყიდის პროდუქტებს პირდაპირ. ჩვენი როლია ტრანზაქციების გამარტივება, პლატფორმის სერვისების უზრუნველყოფა და, საჭიროების შემთხვევაში, ტექსვაპის მიერ ორგანიზებული მიწოდებისა და მხარდაჭერის შეთავაზება, რათა ტექნიკის ყიდვა და გაყიდვა იყოს მარტივი და უსაფრთხო.

TechSwap-ზე გამყიდველად დარეგისტრირებისთვის, გთხოვთ დაგვიკავშირდეთ ელფოსტაზე info@techswap.ge და გაიაროთ მარტივი რეგისტრაციისა და შემოწმების პროცესი. დამტკიცების შემდეგ, თქვენ მიიღებთ თქვენი პროდუქცია განთავსების საშუალებას techswap.ge-ზე ჩვენს მიერ. გამყიდველები დამოუკიდებლად ადგენენ ფასებს, აღწერებსა და გაყიდვის პირობებს, ხოლო TechSwap უზრუნველყოფს მარკეტფლეისს, ხილვადობას და ინსტრუმენტებს გარიგებების გასამარტივებლად. გთხოვთ გაითვალისწინოთ, რომ ყველა განაცხადი არ მტკიცდება. TechSwap იტოვებს უფლებას, საკუთარი შეხედულებისამებრ მიიღოს ან უარყოს გამყიდველის განაცხადი, უარის მიზეზის განმარტების ვალდებულების გარეშე.

დიახ, შესაძლებელია. ჩვენი გაყიდვების გუნდთან დაკავშირების შემთხვევაში ნომერზე +995 557 100 028 და თქვენი პროდუქტის დეტალების მოწოდების შემდეგ, ინფორმაცია განთავსდება ჩვენი გამყიდველების ჩატში. შემდგომში, მიღებული უმაღლესი შეთავაზება გადმოგეცემათ განსახილველად. გთხოვთ გაითვალისწინოთ, რომ თითოეული პროდუქტი ფასდება ინდივიდუალურად. მეორადი პროდუქციის შემთხვევაში საბოლოო ფასი შესაძლოა მნიშვნელოვნად განსხვავდებოდეს პროდუქტის მდგომარეობის, ორიგინალური შეფუთვის, კომპლექტაციის და სხვა მნიშვნელოვანი დეტალების მიხედვით. ასევე, შეფასების ფასი შესაძლოა იყოს საბაზრო ფასზე დაბალი, რადგან ყველა შეთავაზება კეთდება დამოუკიდებელი გამყიდველების მიერ და არა TechSwap-ის გუნდის მხრიდან. TechSwap არ ახდენს ფასების განსაზღვრას ან კონტროლს და არ აქვს გავლენა გამყიდველების მიერ შემოთავაზებულ ფასებზე.

TechSwap გთავაზობთ გამჭვირვალე და ეფექტურ გზას ტექნიკური პროდუქციის შესაძენად, გასაყიდად ან სწრაფად შესაფასებლად, სანდო მარკეტფლეის მოდელის მეშვეობით. ჩვენ მომხმარებლებს ვაკავშირებთ დამოწმებულ დამოუკიდებელ გამყიდველებთან, რაც უზრუნველყოფს კონკურენტულ და ბაზარზე დაფუძნებულ შეთავაზებებს. TechSwap-ის პოლიტიკის მიხედვით, პლატფორმაზე მოქმედი გამყიდველები თითოეული პროდუქტისათვის სთავაზობენ trade-in (გაცვლის) სისტემას, რაც მომხმარებლებს აძლევს შესაძლებლობას უფრო მარტივად განაახლონ ან გაცვალონ თავიანთი მოწყობილობები. ჩვენ ვთანამშრომლობთ მხოლოდ იმ გამყიდველებთან, რომლებიც შეძლებენ საბაზრო ფასზე უკეთესი პირობების შეთავაზებას, ხოლო მომხმარებლისთვის საუკეთესო შეთავაზების უზრუნველყოფა ჩვენი ძირითადი ნიშაა. ჩვენი მიზანია, როგორც მყიდველების, ასევე გამყიდველების კმაყოფილება. ჩვენ აქტიურად ვმუშაობთ გამყიდველებთან პირობებზე, რათა მათ შეძლონ მაქსიმალურად კონკურენტული ფასების შეთავაზება, ამასთან ვინარჩუნებთ გამჭვირვალობას, მკაფიო წესებს და ვთავაზობთ სურვილისამებრ TechSwap-ის მიერ მართული მიწოდების სერვისებს, უსაფრთხო და სანდო გამოცდილებისთვის.

TechSwap-ზე განთავსებული ყველა პროდუქტი გადის შიდა პოლიტიკის საფუძველზე შემოწმების პროცესს. გამყიდველებს ევალებათ თითოეული ნივთისთვის წარმოადგინონ დეტალური ინფორმაცია, ფოტოები და მდგომარეობის აღწერა განთავსებამდე. გარკვეული პროდუქციისა და ტრანზაქციების შემთხვევაში, ნივთი შესაძლოა გადმოტანილი იყოს TechSwap-ის საწყობში ან სერვის პარტნიორებთან საბოლოო ინსპექტირებისა და მდგომარეობის დადასტურებისთვის მიწოდებამდე. აღნიშნული პროცესი ამცირებს დავების რისკს და უზრუნველყოფს, რომ აღწერა მაქსიმალურად შეესაბამებოდეს რეალურ პროდუქტს. გთხოვთ გაითვალისწინოთ, რომ პროდუქტის მდგომარეობასა და გარანტიებთან დაკავშირებული პასუხისმგებლობა ეკისრება გამყიდველს, თუ სხვა რამ ცალსახად არ არის მითითებული.

TechSwap გთავაზობთ გამყიდველებზე დაფუძნებულ Trade-In სისტემას. როდესაც გსურთ პროდუქტის გაცვლა, თქვენ გვაწვდით თქვენი მოწყობილობის დეტალებს (მოდელი, მდგომარეობა, კომპლექტაცია და სხვა მნიშვნელოვანი ინფორმაცია). აღნიშნული ინფორმაცია შემდეგ გადაეცემა ჩვენს დამოუკიდებელ გამყიდველებს. თითოეულ გამყიდველს შეუძლია შემოგთავაზოთ Trade-In ღირებულება მოწყობილობის მდგომარეობის, ბაზრის მოთხოვნისა და საკუთარი ფასდადების კრიტერიუმების საფუძველზე. საუკეთესო ხელმისაწვდომი შეთავაზება მოგეწოდებათ თქვენ, ხოლო თანხმობის შემთხვევაში გაცვლა სრულდება პირდაპირ გამყიდველთან შეთანხმებული პირობების მიხედვით. გთხოვთ გაითვალისწინოთ, რომ Trade-In ღირებულებებს განსაზღვრავენ მხოლოდ გამყიდველები და არა TechSwap. ფასი შეიძლება განსხვავდებოდეს მდგომარეობის, ორიგინალური შეფუთვის, კომპლექტაციისა და მიმდინარე საბაზრო პირობების მიხედვით. TechSwap მოქმედებს მხოლოდ როგორც შუამავალი, რათა მხარეებს დაეხმაროს სამართლიანი და გამჭვირვალე შეთანხმების მიღწევაში.

TechSwap-ზე ძირითადად ვმუშაობთ მიწოდებაზე დაფუძნებული შეძენის სისტემით, რომელიც აქტიურდება შეკვეთის განთავსების შემდეგ — ვებსაიტის ან სატელეფონო ზარის საშუალებით. შეკვეთის გაფორმების შემდეგ, ჩვეულებრივ, ვაწყობთ შეხვედრას გამყიდველსა და მყიდველს შორის TechSwap-ის საწყობში, სადაც მომხმარებელს შეუძლია პროდუქტის დეტალურად შემოწმება შესყიდვის დასრულებამდე. იმ შემთხვევაში, თუ გამყიდველს არ შეუძლია მყიდველთან პირადად შეხვედრა, ვცდილობთ დრო დავზოგოთ ორივე მხარისთვის. ასეთ დროს, TechSwap შეუძლია მოაწყოს კურიერის მომსახურება, რომელიც ნივთს პირდაპირ გამყიდველის ლოკაციიდან გადაიტანს ჩვენს საწყობში. ეს საშუალებას აძლევს მომხმარებელს მშვიდად და დეტალურად შეამოწმოს პროდუქტი გამყიდველის ლოდინის გარეშე, რაც უზრუნველყოფს უფრო სწრაფ და კომფორტულ შეძენის პროცესს.

არა. მკაცრად — არა. TechSwap არ არის ლომბარდი. ჩვენ ვმოქმედებთ მხოლოდ როგორც ონლაინ მარკეტფლეისი და შუამავალი პლატფორმა, რომელიც აკავშირებს მყიდველებსა და დამოუკიდებელ გამყიდველებს. ჩვენ არ ვაძლევთ ლომბარდულ სესხებს, უზრუნველყოფაზე დაფუძნებულ ფინანსურ მომსახურებას ან საკუთრებაზე დამყარებულ დაფინანსებას და არ ვიღებთ მომხმარებელთა პროდუქციას საკუთრებაში.

თქვენი კონფიდენციალურობის დაცვა TechSwap-ის ერთ-ერთი უმაღლესი პრიორიტეტია. თუ გაქვთ რაიმე შეკითხვა ან გჭირდებათ დამატებითი ინფორმაცია ჩვენს კონფიდენციალურობის პოლიტიკასთან დაკავშირებით, გთხოვთ დაგვიკავშირდეთ. ჩვენი ვებსაიტის გამოყენებით თქვენ ეთანხმებით ჩვენს კონფიდენციალურობის პოლიტიკას და გარკვეული ინფორმაციის შეგროვებას, მათ შორის: თქვენი სახელის, ელფოსტის მისამართის, ტელეფონის ნომრის, ასევე თქვენ მიერ მოწოდებული დოკუმენტებისა და დანართების. ჩვენ ვაგროვებთ და ვამუშავებთ ინფორმაციას შემდეგი მიზნებისთვის: ჩვენი სერვისების გაუმჯობესება და განვითარება მომხმარებელთან კომუნიკაციის მართვა განახლებებისა და შესაბამისი ინფორმაციის მიწოდება მარკეტინგული და სარეკლამო აქტივობების განხორციელება Cookies და Web Beacons ვებსაიტების უმეტესობის მსგავსად, TechSwap იყენებს cookies-ს მომხმარებლის პარამეტრების შესანახად და ვებ-გვერდის მუშაობის ოპტიმიზაციისთვის. Cookies გვეხმარება პერსონალიზებული შინაარსის შეთავაზებაში მომხმარებლის ქცევისა და ინტერაქციის საფუძველზე. მესამე მხარის კონფიდენციალურობის პოლიტიკა TechSwap-ის კონფიდენციალურობის პოლიტიკა არ ვრცელდება მესამე მხარის რეკლამების ან ვებსაიტების პრაქტიკაზე. გირჩევთ გაეცნოთ შესაბამისი მესამე მხარის სერვისების კონფიდენციალურობის პოლიტიკას, რათა მიიღოთ დეტალური ინფორმაცია მათი მონაცემთა დამუშავების პრაქტიკისა და უარის თქმის (opt-out) შესაძლებლობების შესახებ.

დიახ. TechSwap-ზე გამყიდველებს შეუძლიათ განათავსონ როგორც ახალი, ასევე მეორადი პროდუქტები. თითოეული პროდუქტის მდგომარეობა — მაგალითად, ახალი (New), მეორადი (Used), გახსნილი ყუთით (Open-Box) ან აღდგენილი (Refurbished) — მკაფიოდ არის მითითებული განცხადებაში გამყიდველის მიერ, რათა მომხმარებელმა შეძლოს ინფორმირებული გადაწყვეტილების მიღება შეძენამდე.

ყველა გარანტია და საგარანტიო პირობები უზრუნველყოფილია უშუალოდ გამყიდველის მიერ, თუ პროდუქტის აღწერაში ცალსახად სხვა რამ არ არის მითითებული. TechSwap არ გასცემს გარანტიებს და არ იღებს პასუხისმგებლობას გამყიდველის მიერ შეთავაზებულ საგარანტიო პირობებზე. პროდუქტთან დაკავშირებული ნებისმიერი პრობლემის შემთხვევაში, მათ შორის ხარვეზის ან საგარანტიო მოთხოვნის დროს, მომხმარებელმა უნდა დაუკავშირდეს უშუალოდ გამყიდველს საკითხის მოსაგვარებლად. TechSwap საჭიროების შემთხვევაში შეიძლება დაეხმაროს მხარეებს კომუნიკაციაში, თუმცა გაყიდვის შემდგომი მომსახურება, შეკეთება, ჩანაცვლება ან თანხის დაბრუნება სრულად ეკისრება გამყიდველს.

TechSwap აქტიურად მუშაობს თაღლითობის ან არასამართლიანი ქმედებების რისკის შესამცირებლად, გამყიდველების ვერიფიკაციის პროცედურებისა და შიდა კონტროლის მექანიზმების გამოყენებით. თუმცა, როგორც შუამავალი მარკეტფლეისი, TechSwap არ არის პასუხისმგებელი დამოუკიდებელი გამყიდველების მიერ განხორციელებულ თაღლითურ ქმედებებზე. ამასთანავე, TechSwap იღებს ყველა გონივრულ ზომას, რათა შეაგროვოს და შეინახოს გამყიდველების სრული საიდენტიფიკაციო და საკონტაქტო ინფორმაცია. თაღლითობის ან უკანონო საქმიანობის ეჭვის შემთხვევაში, TechSwap კანონმდებლობისა და შესაბამისი სამართლებრივი მოთხოვნების საფუძველზე, სამართალდამცავ ორგანოებს მიაწვდის მის ხელთ არსებულ ყველა შესაბამის ინფორმაციას.